Lagu Minang Alun Ka Tangan oleh Upik Saunang
Rumah sikolah ohoi di Palembayan
Baatok alah balantai balun
Kini balantai lah batu juo
Buruang nan alah ohoi ka pamenan
Kok jinak alah, ka tangan alun
Kini di tangan lah kayu juo
Sikua capang ohoi sikua capeh
Batingkah balam nan tigo gayo
Nan sikua tabang oi nan sikua lapeh
Dek ulah badan tinggi salero
Kalau nak tau ohoi di Tanjuang Sani
Lieklah ranah si Sungai Batang
Tampak nan dari lah Sibarasok
Kalau nak tau ohoi di untuang kami
Lieklah buruang nan tabang patang
Antah kama tampeknyo ka inggok
Oi si Kundua Urang Maninjau
Kok tingga nyo di panurunan
Jikok luhua hati lah risau
Badan takana yo jo tunangan
(Ciptaan Masroel Mamudja, Dipopulerkan oleh Upik Saunang 1980, Sumbangan lirik oleh Afrienda Mamudja)
